“तरुण बुद्धिबळ सम्राट: गुकेशची ऐतिहासिक विजयगाथा”
काही वेळा खेळाच्या मैदानावर इतिहास घडतो, असा इतिहास जो विश्वास ठेवायला कठीण असतो. असाच एक ऐतिहासिक क्षण घडला सेंटोसा बेटावरच्या एका दमट गुरुवारी संध्याकाळी, जेव्हा केवळ 18 वर्षांच्या डी. गुकेशने वर्ल्ड चेस चॅम्पियनशिप जिंकत भारतीय खेळजगतात नवा अध्याय लिहिला.
कथा: गुकेशचा पराक्रम…………!
सेंटोसा बेटावरील इक्वेरियस हॉटेलच्या हॉलमध्ये टेबलाच्या एका बाजूला 18 वर्षीय डी. गुकेश बसला होता, आणि दुसऱ्या बाजूला चीनचा गतविजेता डिंग लिरेन. हा सामना केवळ बुद्धिबळाचा नव्हता, तर मानसिक आणि शारीरिक सहनशक्तीची कसोटी होती.
“तू करू शकशील का? इतक्या कमी वयात वर्ल्ड चॅम्पियन बनशील?”
गुकेशने हा प्रश्न फक्त विरोधकांनाच नाही, तर स्वतःलाही विचारला होता. जेव्हा त्याने कँडिडेट्स स्पर्धा जिंकून इतिहास रचला, तेव्हा सगळ्यांचे लक्ष या लहान वयाच्या आव्हानकर्त्याकडे वेधले गेले होते.
महामुकाबल्याचा शेवट
सामना 14व्या गेमपर्यंत पोहोचला. डिंगने काही वेळा चमत्कारीक बचाव करत खेळात जीव टाकला होता. 13व्या गेममध्ये डिंगने आपल्या रुकच्या एका अप्रतिम चालीने हार टाळली होती. पण 14व्या गेममध्ये मात्र, त्याच रुकने त्याच्या पराभवाची सुरुवात केली.
55व्या चालीवर डिंगने रुक ‘f2’ स्क्वेअरवर हलवला.
हा डाव खेळून डिंगने स्वतःसाठी संकट ओढवून घेतलं. गुकेशने लगेचच रुकची अदलाबदल केली, आणि नंतर पांढऱ्या आणि काळ्या दोन्ही चालींचं समर्पण केलं. आता फक्त राजा आणि प्याद्यांची लढाई उरली होती, ज्यात गुकेशच्या दोन जोडलेल्या प्याद्यांनी विजयाची खात्री दिली.
डिंगच्या डोळ्यांमध्ये निराशा स्पष्ट होती. त्याचा राजा आणि एकटं प्यादं, गुकेशच्या राजाच्या नेतृत्वाखालील दोन प्याद्यांसमोर हतबल होतं. डिंगने 58व्या चालीवर हार मानली, आणि गुकेशच्या विजयाचा मार्ग मोकळा झाला.
गुकेशच्या अश्रूंची कहाणी
गुकेशने विजयानंतर स्वतःला सावरू शकलं नाही. तो रडू लागला – हे आनंदाश्रू होते. कालपर्यंत त्याला एका संधीवर समाधान मानावं लागलं होतं. पण आज, त्याने आपल्या संधीचं सोनं केलं. भारतासाठी हा क्षण अभिमानाचा होता.
डिंगचा अनुभव आणि गुकेशचा जिद्दीपणा
डिंगच्या अनुभवाची दखल घेतली गेली होती. त्याने गतवर्षी टायब्रेकमध्ये इयान नेपोम्नियाचीला हरवलं होतं, आणि वेगवान चालींच्या खेळात तो अधिक प्रवीण मानला जात होता. पण गुकेशने हा सामना वेगळा खेळला. त्याने संभाव्य डावपेचांसाठी ड्रॉ स्वीकारण्याचं नाकारलं आणि कठीण स्थितीतही खेळ चालू ठेवला.
एक ऐतिहासिक यश
डी. गुकेशचं वर्ल्ड चेस चॅम्पियन बनणं म्हणजे एका स्वप्नाची पूर्तता आहे, ज्यासाठी अनेक वर्षांची मेहनत, तासन्तास सराव, आणि मानसिक स्थैर्य लागतं. 1985 नंतरचा हा सर्वांत कमी वयाचा वर्ल्ड चॅम्पियन ठरला. 22 व्या वर्षी गॅरी कास्पारोव्हने जिंकलेला विक्रम आज 18 वर्षीय गुकेशने मोडला.
“डिंगने अनेक वेळा चमत्कारी बचाव केले, पण गुकेशने जिद्द आणि चपळाईच्या जोरावर अंतिम विजय मिळवला. हा फक्त खेळ नव्हता, तर भारतीय क्रीडा इतिहासाचा सुवर्णाक्षरांनी लिहिला जाणारा क्षण होता.”
डी. गुकेशचा ऐतिहासिक विजय हे फक्त एक बुद्धिबळाचं यश नव्हतं, तर नव्या पिढीच्या जिद्दी आणि कठोर मेहनतीचं प्रतिक आहे.
“कथा आवडली असेल तर शेअर करा, लाईक करा.”
